Որոշիր որոշել

• CDA Online հավելվածի միջոցով, եթե առկա է արժեթղթերի կամ բրոքերային հաշիվ։
• Converse Mobile, AraratMobile, Ardshinbank և Artsakhbank mobile հավելվածների միջոցով։

Հաշվի օպերատորների միջոցով․

Կենսաթոշակային ֆոնդի և ֆոնդի կառավարչի ընտրության դիմումը լրացնելու համար անհրաժեշտ է ներկայացնել նույնականացման քարտ կամ անձնագիր և հանրային ծառայությունների համարանիշ (ՀԾՀ/սոցքարտ) կամ այն չունենալու մասին տեղեկատվություն։

Հաշվի օպերատորներն են․

Հեռ. (+374 10) 51 45 14

Գլխամաս և մասնաճյուղեր

Հեռ. (+374 10) 59 23 23

Գլխամաս և մասնաճյուղեր

Հեռ․ (+374 10) 51 12 11

Գլխամաս և մասնաճյուղեր

Հեռ. (+374 12) 22 22 22

Գլխամաս և մասնաճյուղեր

Հեռ․ (+374 10) 59 20 20

Գլխամաս և մասնաճյուղեր

Հաշվի օպերատորը միջնորդ կազմակերպություն է մասնակիցների ռեեստրավարի՝ Հայաստանի կենտրոնական դեպոզիտարիայի, և կուտակային կենսաթոշակային համակարգին միացած մասնակիցների միջև։

Մասնակիցն իրավունք ունի ընտրելու մեկ կենսաթոշակային ֆոնդ։ Նույն ժամանակահատվածում մասնակցի կողմից (օգտին) կատարվող կուտակային հատկացումը չի կարող ուղղվել միաժամանակ մեկից ավելի կենսաթոշակային ֆոնդերի:

Սակայն որոշ ժամանակ անց փոխելով կենսաթոշակային ֆոնդը` մասնակիցը կարող է թողնել մինչ այդ ձեռք բերած փայերը նախորդ ֆոնդում և իր կուտակային հատկացումները ուղղել նոր ընտրված կենսաթոշակային ֆոնդ․ փաստացի ունենալ միջոցներ միաժամանակ մի քանի կենսաթոշակային ֆոնդում։ 

Կուտակային հատկացումներն առաջին անգամ ստանալուց հետո Հայաստանի կենտրոնական դեպոզիտարիան համակարգին նոր միացած անձի համար բացում է կենսաթոշակային հաշիվ և վերջինիս ծանուցում դրա մասին։ 30 օրվա ընթացքում մասնակցի կողմից կենսաթոշակային ֆոնդի ընտրություն չկատարելու դեպքում կենսաթոշակային ֆոնդի ընտրությունը կատարվում է ծրագրային մոդուլի միջոցով` սահմանված ժամկետին հաջորդող աշխատանքային օրը: 

Համակարգը պատահականության սկզբունքով ընտրում է կենսաթոշակային ֆոնդերի 2 կառավարիչներից մեկի՝ միջին ռիսկայնության պահպանողական ֆոնդը, որտեղ կկուտակվեն Ձեր հատկացումները։

Այդուհանդերձ, ցանկացած ժամանակ մասնակիցը կարող է որոշել և փոխել իր կենսաթոշակային ֆոնդը՝ կախված իր ներդրումային հորիզոնից, ներդրումային նպատակներից և ռիսկի հանդուրժողականության։

Ֆոնդի փոփոխությունը կարելի է կատարել անսահմանափակ քանակով։

Այնուամենայնիվ, միևնույն ֆոնդին կանոնավոր հատկացումներ կատարելը նպաստում է, որ ձեր խնայողություններն երկարաժամկետում կայուն աճեն։ Ձեր միջոցները ներդրվում են թե՛ բարձր, թե՛ ցածր գների պարագայում, ինչը կարող է հավասարակշռել շուկայի կարճաժամկետ տատանումները։ Ֆոնդերը հաճախակի փոխելը կարող է խաթարել այս երկարաժամկետ մոտեցումը և հանգեցնել նրան, որ դուք բաց թողնեք պոտենցիալ ապագա աճի հնարավորությունները։

Ֆոնդ փոխելն անվճար է, իսկ կենսաթոշակային ֆոնդի կառավարչին տարեկան մեկից ավելի անգամ փոփոխելու դեպքում գանձվում է մարման վճար (1%): 

Ձեր կենսաթոշակային ֆոնդը և ֆոնդի կառավարչին ստուգել կարող եք․

• Հայաստանի կենտրոնական դեպոզիտարիայի «Իմ հաշիվը» համակարգում,
• բանկոմատների միջոցով ստացվող «Կենսաթոշակային քաղվածքում» 

(եթե տեսնում եք հետևյալ հապավումները, ապա ձեր միջոցները կուտակվում են․

AMCON՝ Ամունդի-Ակբա պահպանողական ֆոնդում

AMBAL՝ Ամունդի-Ակբա հավասարակշռված ֆոնդում

AMFIX՝ Ամունդի-Ակբա կայուն եկամտային ֆոնդում),

• առաջին հարցում նշված հաշվի օպերատորների միջոցով։  

Ամունդի-Ակբայի՝ որպես կենսաթոշակային ֆոնդերի կառավարիչ ընկերության հիմնական նպատակն է ռիսկերի ընդունելի մակարդակում առավելագույնի հասցնել ակտիվների եկամտաբերությունը, ինչը կարող է պաշտպանել Ձեր միջոցները տարիների ընթացքում արժեզրկումից և ձևավորել հնարավոր հավելյալ եկամուտ։ 

Այս նպատակով կուտակային միջոցները ներդրվում են տարբեր ֆինանսական գործիքներում։

Ակտիվների մասնագիտացված կառավարումն ունի մի շարք առավելություններ։

Մասնագիտական փորձառություն և գիտելիքներ․

Ներդրումային մասնագետներն ունեն շուկաների և տարբեր ներդրումային գործիքների վերաբերյալ խորացված գիտելիքներ ու փորձ, ինչպես նաև համապատասխան գործիքները՝ մշտապես հետևելու շուկայի զարգացումներին, ուսումնասիրելու տվյալներ և վերլուծելու տարբեր հնարավորություններ։

Ռիսկերի կառավարում․

Մասնագիտական թիմերը գործում են ռիսկերի գնահատման և վերահսկման համակարգված գործընթացների հիման վրա։

Երկարաժամկետ ռազմավարական մոտեցում․

Որոշումները հիմնվում են նախապես մշակված ռազմավարության վրա և չեն պայմանավորվում շուկայի կարճաժամկետ տատանումներով կամ պահի էմոցիաներով։

Ներդրումային ավելի լայն հնարավորություններ․

Մասնագիտացված կառավարման շնորհիվ ֆոնդերը կարող են ներդրումներ կատարել այնպիսի շուկաներում և ֆինանսական գործիքներում, որոնք անհատ ներդրողներին կարող են հասանելի չլինել։ Մեծածավալ ներդրումները կարող են նաև ապահովել ավելի արդյունավետ գործարքային պայմաններ։

Կենսաթոշակի ամսական չափը որոշվելու է կենսաթոշակային տարիքում Ձեր կենսաթոշակային հաշվում առկա միջոցների հիման վրա։ 

Ըստ ՀՀ ԿԲ հաշվարկների՝ նախատեսվում է, որ 20 տարի կուտակելու դեպքում Ձեր կենսաթոշակը կկազմի մինչև թոշակի անցնելը Ձեր վերջին աշխատավարձի 30%-ը, որն էլ ներկայացնում է փոխհատուցման գործակիցը։ Ավելին կուտակելու դեպքում, օրինակ՝ 30 տարի, փոխհատուցման գործակիցը կարող է կազմել ավելի քան 60%, մինչդեռ միայն պետական կենսաթոշակի դեպքում Ձեր եկամուտը կենսաթոշակի անցնելիս կտրուկ կարող է նվազել։