Ընկերության մասին․

«Ամունդի-Ակբա Ասեթ Մենեջմենթ» ՓԲԸ-ը հիմնադրվել է 2013թ. ֆրանսիական Ամունդիի, որը հանդիսանում է Եվրոպայի առաջատար ակտիվների կառավարիչ, և Ակբա Բանկի կողմից: Ամունդի-Ակբան կառավարում է երեք պարտադիր կուտակային կենսաթոշակային ֆոնդ՝ հիմնվելով Ամունդիի առաջադեմ փորձառության (նոու-հաու), ինչպես նաև մասնագիտական և տեխնոլոգիական աջակցության վրա:

Ամունդի-Ակբան իր թիմը համալրելու նպատակով փնտրում է մոտիվացված և բարեխիղճ մասնագետի, ով պատրաստ է դիմակայել ժամանակակից մարտահրավերներին միջազգային առաջատար ընկերությունում։

Աշխատանքային պարտականություններ

ՄՌ պարտականությունները՝

• Պատասխանատու է աշխատակիցների անձնական տվյալների մշակման և պաշտպանության, այդ թվում GDPR եվրոպական կարգավորման շրջանակներում, ինչպես նաև կադրային փաստաթղթաշրջանառության համար:
• Կազմակերպում է աշխատակիցների գործուղումները։
• Ղեկավարում է հավաքագրման գործընթացները:
• Կազմակերպում է թիմբիլդինգները՝ համագործակցելով Հաղորդակցության բաժնի հետ, և նպաստում թիմային ոգու շարունակական բարձրացմանը:
• Վերանայում է Ընկերության ՄՌ կարավարմանն առնչվող ներքին իրավական ակտերն ու ընթացակարգերը:
• Ապահովում է Ամունդի Փարիզի ՄՌԿ բաժնի հետ սերտ համագործակցությունը։ 

Օֆիս մենեջերի պարտականությունները՝

• Ապահովում է ապահովագրական փաթեթների արդիականությունը՝ համագործակցելով Կազմակերպության իրավաբանների, ինչպես նաև Ամունդի Փարիզի համապատասխան բաժնի հետ:
• Գնման գործընթացների (ներառյալ մրցութային) կազմակերպման համար հստակեցնում է Ընկերության կարիքները, սահմանում է ապրանքների (ծառայությունների) և հավանական մատակարարների ցանկն ու առաջարկում Ղեկավարությանը:
  
• Վերահսկում է գրասենյակի սպասարկման հետ կապված հաշիվ-ապրանքագրերի վճարումները:
• Գործում է որպես OES (պատվիրակված ծառայություններ) ՏՏ ծառայությունների գործառնական մենեջեր:
• Ապահովում է գործադիր տնօրենի և թիմի օժանդակմանն առնչվող առաջադրանքների իրականացումը:
• Կառավարում է կորպորատիվ էլ. նամակագրությունը, փաստաթղթաշրջանառությունը, իրավական պայմանագրերն ու համաձայնագրերը՝ անհրաժեշտության դեպքում ապահովելով դրանց թարգմանությունը:

Անհրաժեշտ հմտություններ

Կրթությունը՝ 

• Կառավարման, ՄՌ կամ հարակից այլ հումանիտար ոլորտների Բակալավրի կամ Մագիստրոսի որակավորում։

Աշխատանքային փորձը՝ 

• Նվազագույնը 1 տարվա աշխատանքային փորձ ՄՌԿ ոլորտում։ 

Մասնագիտական և անձնական հմտությունները՝

• ՀՀ աշխատանքային օրենսդրության հիմնարար գիտելիքներ ,
• MS Office փաթեթի լավ իմացություն,
• Կազմակերպչական հմտություններ, նախաձեռնողականություն,
• Պատասխանատվության բարձր զգացում, ճկունություն։

Այլ հմտությունները՝

• Գերազանց անգլերենի (գրավոր և բանավոր) իմացությունը պարտադիր է,
• Ֆրանսերենի և ռուսերենի իմացությունը կդիտվի որպես առավելություն։

Արտոնությունների փաթեթ 

Առավելություններ․ վճարովի հավելյալ ոչ աշխատանքային օրեր, հանգստի, կրթության և այլնի համար տրամադրվող տարեկան սոցիալական փաթեթ, բջջային հեռախոսի լիցքավորման ամսական փաթեթ։ 

Առողջություն և առողջ ապրելակերպ․ բժշկական ապահովագրություն աշխատակցի և իր ընտանիքի անդամների համար, պատահարների, մահվան եւ հիվանդությունների ապահովագրություն, մարզասրահի անդամության փոխհատուցում։ 

Կարիերայի զարգացման հնարավորություններ՝ շարունակական ուսուցման մշակույթով, մասնագիտական զարգացման դասընթացներով և սեմինարներով:

Դիմելու կարգը

Ինքնակենսագրականները կարող եք ուղարկել info-armenia@amundi.com հասցեին մինչև 2023 թ. ապրիլի 5-ը՝ նամակի թեման (subject line) նշելով « ՄՌ կոնտակտ, Օֆիս մենեջեր »։